Atzerri eta Segurtasun Politika Erkidea

Atzerri eta Segurtasun Politika Erkidea (ASPE) Europar Batasunaren politika nagusietako bat da, helburu hauek dituena: atzerriari eta segurtasunari buruzko gaietan Europar Batasunaren ekintza erkidea lortzea, Batasunaren segurtasun-modu guztiak indartzea, nazioarteko bakea eta segurtasuna zaintzea, nazioarteko lankidetza sustatzea, demokrazia eta zuzenbidezko estatua garatzea eta indartzea, eta giza eskubideak eta oinarrizko askatasunak errespetatzea. Europar Batasunaren bigarren zutabea eratzen du.^[1] Batasuneko atzerri- eta segurtasun-politika erkideko goi-ordezkariak, egun Josep Borrell kataluniarrak, politika hau zuzentzen du.