Cutibacterium acnes
Cutibacterium acnes | |
---|---|
Irudi gehiago | |
Sailkapen zientifikoa | |
Erreinua | Bacillati |
Filuma | Actinomycetota |
Klasea | Actinomycetes |
Ordena | Propionibacteriales |
Familia | Propionibacteriaceae |
Generoa | Cutibacterium |
Espeziea | Cutibacterium acnes [[|]] |
Datu orokorrak | |
Gram tindaketa | Grampositibo |
Cutibacterium acnes (lehen Propionibacterium acnes deitua) bakterio Gram positiboa da, larruazaleko mikrobiotaren partaidea dena. Anaerobioa da, bazilo edo kokobazilo itxura du eta ez ditu esporak sortzen. Katalasa (+) (andui gehienak) eta ureasa (-) da, eta glukosa hartzitzen du azido propionikoa sortuz [1]. Azken ezaugarri metaboliko horretan oinarriturik, Propionibacterium generoaren barruan sailkatu zen Cutibacterium acnes 2016. urtera arte.
Aipatu bezala, gure larruazalean bizi den bakterio saprofitoa da, larruazaleko sebo-guruinek jariatzen dituzten gantz-azidoez elikatuz. Heste-florako partaidea ere izan daiteke.
Bakterio patogenoa ez izan arren, Cutibacterium acnes-ek oportunista bezala jarduten du. Horrek esan nahi du patogeno hertsia ez bada ere, patogeno bihur daitekeela aldeko koiuntura duenean. Esaterako, larruazaleko sebo-guruinek aparteko jarduera dutenean eta gantz-azido asko sortzen dituztenean (nerabezaroan, adibidez). Gehiegizko gantz-azido horiek metabolizatzerakoan bakterioak sebo-guruinen hantura eragiten duten substantziak sortzen ditu, akne mota bat agertuz [2].
Aknea sortzeaz gain, endoftalmitisa eta sinusitisa ere eragin dezake Cutibacterium acnes-ek [3].
Erreferentziak
- ↑ Douglas HC, Gunter SE (1946): The Taxonomic Position of Corynebacterium acnes Journal of Bacteriology. 52 (1): 15–23.
- ↑ Bhatia, Ajay; Maisonneuve, Jean-Francoise; Persing, David H. Propionibacterium acnes and chronic diseases National Academies Press (US), 2004.
- ↑ Forbes, B., Sahm, D.F., Weissfeld, A.: Diagnóstico Microbiológico, Ed. Médica Panamericana (2004), 958-962 orr. ISBN: 950-06-0796-4
Kanpo estekak
- Datuak: Q2442109
- Multimedia: Propionibacterium acnes / Q2442109
- Espezieak: Propionibacterium acnes