Enterobakterio

Enterobakterio
Irudi gehiago
Sailkapen zientifikoa
Erreinua	Pseudomonadati
Filuma	Pseudomonadota
Klasea	Gammaproteobacteria
Ordena	Enterobacterales
Familia	Enterobacteriaceae Rahn, 1937
Datu orokorrak
Gram tindaketa	bakterio gram-negatibo

Enterobakterioak bakterio Gram negatiboz osatutako familia da, Enterobacteriaceae izenarekin ere ezagutzen direnak. Familia honetan sailkatzen dira bazilo Gram negatibo anaerobio fakultatiboak, giza zein animalien hestean bizi daitezkeenak ("enteron" hestea da, grekoz). Hogeita hamar genero bakteriar baino gehiago sailkatzen dira familia honen barnean, Escherichia, Salmonella, Shigella, Yersinia, Proteus edo Enterobacter bezalakoak, besteak beste.

Enterobakterio guztiak baziloak dira, sarritan txikiak (kokobaziloak). Batzuk flageloen bitartez mugitzen dira, beste batzuk -berriz- ez dira mugikorrak. Ez dute esporarik sortzen. Digestio aparatuan bizi badira ere, maiz aske daude gorputzetik kanpo, uretan ala lur-zoruan, esaterako.

Ezaugarri biokimiko nagusiak honako hauek dira:

• anaerobio fakultatiboak: O/H (+/+)
• oxidasa (-)
• katalasa (+)
• glukosaren hartzidura : (+)
• nitratoak erreduzitzen dituzte, nitritoak sortuz

Ahalmen patogenoari dagokionez talde honen barruan aniztasun handia dago: taldekide batzuk patogeno hertsiak dira (Salmonella, Shigella...), beste batzuk oportunistak (berez ez dira patogenoak, baina inmunogutxituengan edo defentsa gutxi dutenengan gaitzak sortzen dituzte: Escherichia, Proteus, Enterobacter...) eta askok ez dute inongo patologiarik eragiten, hesteetako biztanle ez-kaltegarriak izanik.

Wikimedia Commonsen badira fitxategi gehiago, gai hau dutenak: Enterobakterio

• Datuak: Q380136
• Multimedia: Enterobacteriaceae / Q380136
• Espezieak: Enterobacteriaceae