Envalira mendatea

Envalira mendatea

Geografia
Altuera	2.409 m
Mendikatea	Pirinioak
Lurraldea	Encamp

Envalira mendatea (katalanez eta frantsesez: Port d'Envalira; gaztelaniaz: Puerto de Envalira) Pirinioetan errepidea duen mendaterik garaiena da. Itsas mailatik 2.409 metroko garaieran dago. Andorrako Soldeu eta Pas de la Casa herrien artean kokatzen da, gainera Andorratik Frantziara joateko pasabide bakarra ere bada.

Envalira mendatea urte osoz irekia egon ohi da, betiere elurte handirik ez baldin badago, eta jadanik 2002ko irailaren 29tik aurrera bidesaridun 2.000 metroko garaieran eta 2.860 metro luze duen tunel bat ere badago, honek mendatean dauden biragune arriskutsuak saihesten dituelarik.