Eratosteniarra

Eratosteniar Periodoa Ilargiaren denbora lerro geologikoa osatzen duten periodo geologikoen artean luzeena da. Duela 3200 milioi urte hasi zen eta duela 1100 milioi urte amaitu, gutxi gorabehera.

Periodo geologiko honek hasiera eman zion talka kraterrari zor dio izena, Eratostenes kraterrari hain zuzen. Koperniko kraterraren sorrerak ematen dio amaiera garaiari, duela 1100 milioi urte gertatu zen talkak. Talka hau garai berri baten jaiotza ere bada, Periodo Kopernikarrarena, gaur egun arte hedatzen den garaiarena. Aurreko periodo geologikoan (Imbriarra) egon zen basalto-bulkanismo bortitza apaldu egin zen garai honetan zehar, azkenean erabat desagertu arte. Laba-fluxu gazteenak, satelite orbitalei esker begiztatu direnak, duela 1100 milioi urtekoak dira gutxi gorabehera, hau da, periodo geologiko honen amaieran eratu ziren. Hori dela eta, aipatu berri dugun datatik aurrera, ustez, ez da egon bulkanismo nabarmenik Ilargian, beraz, Periodo Kopernikarra, bulkanismo aldetik, garai hiltzat har dezakegu.^[1]

Azpiko denbora lerroan kolore urdin argiarekin ageri da Periodo Eratosteniarra, Imbriar Berantiarra eta Kopernikarra alboan dituela, arestian esan bezala.

Lurra periodo honetan zehar

Ilargiaren Periodo Eratosteniarra hain luzea izanik, hainbat garai homologo ditu Lur planetan, jarraian aipatuko direnak. Lurrean, garai hauetan, Eoi Arkearraren Garai Neoarkearra eta Eoi Proterozoikoaren Garai Paleoproterozoikoa eta Garai Mesoproterozoikoa jazo ziren. Denboraldi horretan, besteak beste, planeta oxigenatu egin zuten bakterio jakin batzuek, hala ere, biziak ez zuen garapen nabarmenik pairatu, izan ere, oraindik ere izaki zelulabakarrak ziren jaun eta jabe gure planetan.

Erreferentziak

• i
• e
• a

Ilargia

Ezaugarriak eta
jatorria

Atmosfera • Grabitazio-eremua • Eremu magnetikoa • Orbita • Talka handiaren hipotesia • Barne egitura

Geologia

Itsasoak (Zerrenda)	Procellarum • Imbrium • Nectaris • Frigoris • Serenitatis • Fecunditatis • Insularum • Nubium • Tranquillitatis • Crisium
Kraterrak (Zerrenda)	Copernicus • Kepler • Aristarchus • Plato • Grimaldi • Byrgius • Langrenus • Stevinus • Tycho
Historia geologikoa	Denbora lerroa Aurrenektariarra • Nektariarra • Imbriarra (Goiztiarra eta Berantiarra) • Eratosteniarra • Kopernikarra Gertaerak Magmazko ozeano globala • KREEP • Bonbardaketa Berantiar Handia

Behaketa eta
esplorazioa

Misioak eta zundak	Apollo programa • Lunar Orbiter • Ranger • Surveyor • Chang'e 4 • Lunar Reconnaissance Orbiter • Ilargiaren kolonizazioa • Ilargiko arroka
Behaketa	Ilargiaren aldiak • Ilargiaren alde ezkutua • Ilargiaren alde ikusgaia • Ilargiko teleskopioak

Kategoria Ilargi-itsasoak

Kanpo estekak