Gandharva
Gandharva airean eta uretan bizi zen espiritua da, brahmanismoan. Hasieran Gandharva bakar bat aipatzen zen elezaharretan, baina Mahabharatak 88.000 aipatzen ditu. Gorputzaren erdia gizonarena eta beste erdia animaliarena dute, eta indar handikoak dira. Apsararekin ezkonduta daudela diote elezaharrek. Rigvedak erritu erotikoekin lotzen ditu, ernalketarekin batez ere.
Erreferentziak kultura orokorrean
One Fast Move or I'm Gone dokumentala Jack Kerouac idazlearen Big Sur nobelarekin lotuta dago. Hain zuzen, soinu bandarako Jay Farrar eta Benjamin Gibbardek sortutako abestien letrak nobelan oinarrituta daude, eta San Francisco abestiaren letran Gandharva aipatzen da.
Erreferentziak
- Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/27 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.
Kanpo estekak
| Autoritate kontrola |
|
|---|
Datuak: Q1291498
Multimedia: Gandharva / Q1291498
