Hegoafrikako miniaturazko zaldi

Hegoafrikako miniaturazko zaldia
Zaldi arraza
Espeziea	Equus ferus caballus
Jatorria	Hegoafrika

Hegoafrikako miniaturazko zaldia, (afrikaans: Suid - afrikaanse Miniatuur Perd), Hegoafrikako bertako zaldi arraza modernoa da^[1]. Bere tamaina zein gainontzeko ezaugarriengatik ponien sailkapen taldean sartzen da. Abere bereziki txikiak izanik, zaldi miniatura taldeko arraza bat da.

Shetland poni eta eta tamaina txikiko arabiar zaldien arteko nahasketa bat da. Oraindik nahiko bakana, da. 1989an ofizialki aitortutako arraza da eta egun zabaltzen ari da. Hegoafrikako Miniature Horse Society-k gainbegiratzen du bere garapena.

Arraza honen jatorria 1945. urtean izan zen. Shetland poniak eta arabiar zaldi txikien arteko gurutzaketen bidez. 1985. urtean Hazleen elkarteak antolatutako Hegoafrikako miniaturazko zaldien lehen erakusketa publikoak, Mr Wynand's atxaldeko Wet at Lindley-n, arrakasta handia izan zuen 1989an, Hegoafrikako miniaturazko zaldia ofizialki onartu zuten bere herrialdean. Hamar urte geroago, arraza honetako 100 eta 1.000 abere artean aurkitzen dira Hegoafrikan. Gaur egun Hegoafrikako miniaturazko zaldia Ameriketako miniaturazko zaldirekin gurutzatuz garatzen ari da.

Hegoafrikako miniaturazko zaldia txikia eta orekatua da. Tamaina txikiari buruzko ezaugarri guztiak kenduz gero, tamaina osoko beste arrazen konformazio-proportzio berdinak izango lituzke. Inpresio orokorra abere orekatua izatea da, tamaina edozein izanik. Simetria, indarra, bizkortasuna eta begirada erne. Mugimendua indartsua, naturala eta atletikoa da. Hautaketan arrazari tamaina txikia lehentasuna emanik, beste ezaugarri guztiak zaintzen dira aldi berean.

Onartutako Soin gurutzera gehienezko garaiera 95 cmkoa da.

• Datuak: Q65145634