Herfindahl adierazlea

Ekonomian, Herfindahl adierazlea edo Herfindahl-Hirschmann adierazlea (HHI) merkatu edo sektore ekonomiko bateko banaketaren aniztasunerako neurria da. Honela kalkulatzen da:

${\displaystyle H=\sum _{i=1}^{N}s_{i}^{2}}$

${\displaystyle s_{i}}$ izanik, i-garren enpresaren kuota sektorean ehunekotan edo batekotan.

Zenbat eta txikiagoa izan, aniztasuna handiagoa da, hau da merkatua konpetitiboagoa da, nagusitasuna erakusten duen enpresarik gabe.

Balio minimoa ${\displaystyle {\frac {1}{N}}}$ da, merkatua neurri berean banatuta dagoenean enpresa ezberdinen artean. Balio maximoa 1 da, enpresa bakar batek merkatu osoa hartzen duenean, monopolio egoeran esaterako.

Adibidea

Demagun bi egoera hauek:

• A egoera: 8 enpresek %10eko merkatu kuota dute sektore batean. Enpresa batek geratzen den %20ko kuota hartzen du osorik.
• B egoera: 5 enpresek %10eko merkatu kuota dute eta 2 enpresek %25eko kuota hartzen dute.

Eman ditzagun Herfindahlen adierazleak, ehunekoak hartuz:

• A egoeran, ${\displaystyle HHI=8\times 10^{2}+20^{2}=1200}$
• B egoeran, ${\displaystyle HHI=5\times 10^{2}+2*25^{2}=1750}$

Beraz, adierazle honen arabera sektorea anitzagoa edo konpetitiboagoa da A egoeran.

Kanpo estekak

• Datuak: Q370089