Japoniako aktiboen burbuila

Japoniako aktiboen burbuila (japonieraz: バブル景気, baburu keiki^?, euskaraz, "burbuilaren booma") Japonian 1986 eta 1991 artean izandako aktibo finantzario eta higiezinen errebalorizazioa izan zen.^[1] 1992ko hasieran, burbuilak eztanda egin zuen. Aktiboen prezioen azelerazio arinak, ekonomiaren gainberotzeak, kontrolatu gabeko Diru eskaintzak eta kredituaren hedapenak izugarrizko burbuila ekonomikoa sortu zuten.^[2] Zehatzago, gainkonfiantzak eta diru-politika hedatzaileak bultzaturiko aktibo eta akzioen espekulazioak sortu zuten.^[3]

1990eko abuzturako, Nikkei burtsa indize erdira amildu zen justu Japoniako Bankuak bere bosgarren kitatze egin zuenean.^[2] 1991ko amaieran, aktiboen prezioak erortzen hasi ziren. 1992ko hasierarako jada asko erori arren,^[2] japoniar ekonomiaren gainbeherak hamarkada batez iraun zuen. Honek produktiboak ez ziren maileguen pilaketa bultzatu zuen, erakunde finantzario askori arazoak sortuz. Burbuilak eztanda egin zuen ondorengo urteei Hamarkada Galdua (japonieraz: 失われた二十年, Ushinawareta Nijūnen^?) deitu zieten.^[4] Harrezkero prezioak igo egin dira baina %0,1 bakarrik, estatistikan nabarmena izateko 26 urte behar zituen prozesu batean.^[5]

Erreferentziak

↑ (Ingelesez) www.sjsu.edu. Japan's Bubble Economy. .
↑ ^a ^b ^c (Ingelesez) Kunio Okina, Masaaki Shirakawa & Shigenori Shiratsuka. (2001eko otsaila). The Asset Price Bubble and Monetary Policy: Japan's Experience in the Late 1980s and the Lessons. .
↑ (Ingelesez) Edgardo Demaestri & Pietro Masci. (2003). Financial Crises in Japan and Latin America. Inter-American Development Bank.
↑ http://fhayashi.fc2web.com/Prescott1/Postscript_2003/hayashi-prescott.pdf
↑ (Ingelesez) «Average land price increases for 1st time since ...» The Japan News.