Juan Donoso Cortés

Irudi gehiago

Espainiako Diputatuen Kongresuko diputatua

1837ko abenduaren 27a - 1851ko azaroaren 11

enbaxadore

Spanish envoy to Prussia ^(en)

Bizitza

Jaiotza

Valle de la Serena, 1809ko maiatzaren 6a

Herrialdea

Espainia

Heriotza

Paris, 1853ko maiatzaren 3a (43 urte)

Hobiratze lekua

San Isidroko hilerria

Hezkuntza

Heziketa

Salamancako Unibertsitatea
Sevillako Unibertsitatea

Hizkuntzak

gaztelania

Jarduerak

idazlea, filosofoa, politikaria, diplomazialaria, unibertsitateko irakaslea eta kazetaria

Enplegatzailea(k)

Unibertsitate Zentrala

Jasotako sariak

ikusi

Ohorezko Legioa

Kidetza

Real Academia Española

Sinesmenak eta ideologia

Erlijioa

katolizismoa

Juan Donoso Cortés (Izengoitia: Valdegamasko markesa; Valle de la Serena, Badajoz, 1809ko maiatzaren 6a - Paris, 1853ko maiatzaren 3a) espainiar idazle eta politikaria izan zen.

Sevillan egin zituen zuzenbide-ikasketak. Joera liberal-kontserbadoreko legelaria zela erakutsi zuen 1832an idatziriko Memoria sobre la monarquía obran. Kargu publikoak izan ondoren, Maria Kristina erreginarekin erbesteratu zen Parisera (1840-1843). Espartero aginpidetik bota zutenean, Espainiara itzuli eta diputatu hautatu zuten (1843).

Real Academia de la Lengua erakundeko kide izan zen 1848az geroztik; oso ospetsu bihurtu zen sarrera-ekitaldian egin zuen hitzaldia (Discurso sobre la Biblia). 1848ko Iraultzaz geroztik liberalismoaren aurka borrokatu zen buru-belarri, eta eskuin-muturrekoen aldeko sutsu bihurtu zen. Enbaxadore izan zen Berlinen (1849-1850) eta Parisen (1851). Haren Ensayo sobre el catolicismo, el liberalismo y el socialismo saiakerak (1851) eragin handia izan zuen Espainiako eta Alemaniako eskuin-muturreko kideengan.

Erreferentziak

Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/27 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.