Julen Retegi
Retegi Bi | ||||
---|---|---|---|---|
![]() | ||||
Izen osoa: | Julen Retegi Altzugarai | |||
Jaiotza data: | 1985eko uztailaren 29a (39 urte) | |||
Jaioterria: | Eratsun (Nafarroa Garaia) | |||
Pilotaria | ||||
Modalitatea: | esku huskako pilota | |||
Egungo enpresa: | erretiratua | |||
Postua: | aurrelaria | |||
Altuera: | 1,79 m | |||
Pisua: | 78 kg | |||
Debutatze data: | 2005eko uztailaren 7a | |||
Debutatze pilotalekua: | Aritzbatalde (Zarautz) | |||
Erretiratze data: | 2019ko abenduaren 15a | |||
Erretiratze pilotalekua: | Astelena (Eibar) |
Julen Retegi Altzugarai, pilota arloan Retegi Bi deituraz ezaguna (Eratsun, Nafarroa Garaia, 1985eko uztailaren 29a) esku huskako pilotari profesional ohia da. Aurrelari aritzen zen, lehenik Asegarce enpresarekin (2005-2009), gero Asperekin (2009-2019).[1] Julian Retegi pilotari handiaren semea da. Datu ofizialetan jasota dagoenez, 1,79 metro luze da, eta 78 kilo pisatzen zuen.[2] Estreinako partida 2005eko uztailaren 7an jokatu zuen, Zarauzko Aritzbatalde pilotalekuan; eta azkena, 2019ko abenduaren 15ean, Eibarko Astelena pilotalekuan. Bere pilotari ibilbideko une gorena 2014ko Buruz Buruko Txapelketa Nagusian heldu zitzaion, txapeldunorde izan baitzen, behe-behetik hasita: Ezkurdia, Olaizola II.a eta Idoate garaitu eta kanporatu ondoren, finala Martinez de Irujoren aurka galdu zuen, 22-9.[3]
Ez daki euskaraz, aitak ez baitzion bere lehen hizkuntza semeari irakatsi.[4][5]
Kirol lorpenak
- Buruz buruko txapeldunordea: 2014
Erreferentziak
- ↑ (Gaztelaniaz) «Retegi Bi: "Descartar a los veteranos es un gran fallo de las empresas"» La Vanguardia 2019-12-13 (Noiz kontsultatua: 2020-07-17).
- ↑ «Retegi BI - Aspe» aspepelota.eus (Noiz kontsultatua: 2018-10-07).
- ↑ (Gaztelaniaz) «Retegi Bi: 'Estoy contento con el nivel hasta el que he llegado'» Mundo Deportivo 2019-12-04 (Noiz kontsultatua: 2020-07-17).
- ↑ Begiristain Madotz, Xanti. (2008-06-24). «Julen, Julian eta Fernando» Berria.
- ↑ Petxarroman, Iñaki. (2014-06-25). Julen Retegik dio euskara hizkuntza zaila dela eta hitz batzuk bakarrik ulertzen dituela, eta, noski, erru handiena ez da berea.. Twitter.
Datuak: Q11686806