Klima aldaketa eta arrantza

Klima aldaketa arrantza modu askotan ari da kaltetzen munduan zehar eta ondorioak larriak izan daitezke.

Eraginak

Klima-aldaketak arrantza-tokiei eragiten die, esaterako, ozeanoko tenperaturen igoerek itsasoko uretako ekosistemei eragiten diete; ozeanoaren azidotzeak eta desoxigenazioak ere eragiten ditu.^[1] Ur gezako ekosistemei, berriz, uraren tenperaturaren aldaketek, ur-fluxuak eta habitataren galerak eregiten die. Ondorio horiek arrantza mota bakoitzaren testuinguruan aldatu egiten dira.^[2]

Klima aldaketa espezieen banaketa eta itsasoko eta ur gezako espezieen produktibitatea aldatzen ari da. Klima-aldaketak, gainera, arrantza-produktuen eskuragarritasunean eta merkataritzan aldaketa esanguratsuak ekarriko dituela espero da. Ondorio geopolitiko eta ekonomikoak garrantzitsuak izango dira, bereziki sektorearen menpekoenak diren herrialdeentzat. Harrapaketa-potentzialaren beherakada handienak tropikoetan espero daitezke, batez ere Hego Ozeano Barearen eskualdeetan.^[3]

Klima-aldaketak ozeano-sistemetan eraginak ditu, halaber, arrantzaren eta akuikulturaren iraunkortasunean, arrantzaren mende dauden komunitateen bizimoduetan eta ozeanoek karbonoa harrapatzeko eta biltegiratzeko duten gaitasunean. Itsas maila handitzeak esan nahi du kostaldeko arrantza-komunitateei nabarmen eragiten diela klima-aldaketak, eta, aldi berean, euri-ereduak eta uraren erabileraren inpaktua aldatzen direla barruko ur gezako arrantzan eta akuikulturan. Uholdeen, gaixotasunen, parasitoen eta alga kaltegarrien arriskuak areagotzea akuikulturan eragiten duten inpaktuak dira, eta horrek ekoizpen- eta azpiegitura-galerak eragin ditzake.^[3]

Gehiegizko arrantza

Klima-aldaketaren ondorioz arrantzak behera egin badu ere, gehiegizko arrantza da beherakada horrekin lotutako beste arrazoi bat.^[4] Gehiegizko arrantzak klima-aldaketaren ondorioak areagotzen ditu, eta, horren ondorioz, arrain populazioak ingurumen-aldaketekiko sentikorragoak dira. Azterketek erakusten dutenez, ozeanoaren egoerak arrantza-tokiak kolapsatzea eragiten du, eta arrantza-tokiak oraindik kolapsatu ez diren lekuetan, egiten den arrantza-kopuruak eragina du industrian. Arrantzak, suntsitzailea eta jasanezina denean, biodibertsitateari eragiten dio. Gehiegizko arrantza eta arrantza suntsitzailea mugatzeak klima aldaketaren aurrean ozeanoaren erresilientzia handituko du.

Erreferentziak

↑ Doney, S. C. (March 2006). "The Dangers of Ocean Acidification". Scientific American. 294 (3): 58–65. Bibcode:2006SciAm.294c..58D [1].
↑ Weatherdon, Lauren V.; Magnan, Alexandre K.; Rogers, Alex D.; Sumaila, U. Rashid; Cheung, William W. L. (2016). "Observed and Projected Impacts of Climate Change on Marine Fisheries, Aquaculture, Coastal Tourism, and Human Health: An Update". Frontiers in Marine Science. 3. doi:10.3389/fmars.2016.00048. ISSN 2296-7745. [2]
↑ ^a ^b Manuel Barange; Tarûb Bahri; Malcolm C. M. Beveridge; K. L. Cochrane; S. Funge Smith; Florence Poulain, editoreak. (2018). Impacts of climate change on fisheries and aquaculture: synthesis of current knowledge, adaptation and mitigation options. Erroma: Food and Agriculture Organization of the United Nations. ISBN 978-92-5-130607-9. OCLC 1078885208.
↑ https://www.nationalgeographic.com/environment/article/climate-change-is-shrinking-essential-fisheries