Litiasia giza gorputzean kalkulu edo harriek sortutako gaixotasuna da, normalean gernu-aparatuan eta digestiokoan agertzen direnak.
Giltzurrunetan harriak osatzen dituen materialik ohikoena kaltzio oxalatoa da, eta bigarrena azido urikoa edo uratoak.
Motak
Urolitiasia
Gernu-aparatuan eragiten duena da, nefrolitiasia (kalkuluak giltzurrunetan) edo ureterolitisia (ureteretan) barne hartzen dituena.
Kolelitiasia
Sakontzeko, irakurri: «Kolelitiasi»
Behazun xixkuan edo inguruko hodietan metatzen den litiasia da. Behazun-bideetako asaldurarik sarriena da, eta bi motatako harriak egon daitezke, alde batetik kolesterolarenak eta bestetik pigmentarioak edo bilirrubinak tindatutakoak.
Sintomak ematen dituenean, mina bereziki, ebakuntza kirurgikoa planteatu beharko da.
Sialolitiasia
Ttu guruinetan ikusten dena da, batik bat guruin submaxilarrean agertzen dena eta Whartonen hodian buxadura sor dezakeena.
Sarritan guruinen infekzio kronikoekin lotuta dator (Staphylococcus aureus eta Streptococcus viridans bakteriek eragindakoak), deshidratazioarekin edota kaltzioaren maila altuarekin, baina kasu akso idiopatikoak dira, eragile argirik gabekoak alegia.
Diagnostikoa
Urolitiasien kasuetan harriak sarritan erradiografia arruntean ikus daitezke, tamaina txikikoak ez direnak bereziki. Bestela, ekografia modurik hoberena da konplikazioak deskartatzeko eta buxadura gernu bideetan ondo kokatzeko.
Datuak: Q617079
Multimedia: Lithiasis / Q617079
