Maiztasun-poligono

Estatistikan, maiztasun poligonoa histogramatik eratortzen den datu diagrama bat da, histogramako zutabeetako goi aldeak lotuz eratzen dena. Bereziki, banaketa estatistikoaren itxura hauteman eta probabilitate-banaketa batekin alderatzeko erabiltzen da.

Maiztasun bakunen poligonoa

Histogramako zutabeen goialdeko erdipuntuak zuzenez lotuz eratzen da maiztasun bakunen poligonoa.

Maiztasun metatuen poligonoa

Histograma metakorretik abiatzen da maiztasun metatuen poligonoa. Datu multzoaren jatorritik, zuzenak luzatzen dira, hurrengo tarteko behe mugatik altxatzen zutaberaino. Diagrama hau bereziki interesgarria da koantilak begiztatzeko.