Movistar Team (gizonezkoen taldea)
| Movistar Team (gizonezkoen taldea) | |
|---|---|
 | |
| Datuak | |
| Izen ofiziala | Reynolds, Banesto, iBanesto.com, Illes Balears-Banesto, Illes Balears, Illes Balears-Caisse d'Épargne, Caisse d'Épargne-Illes Balears, Caisse d'Épargne eta Movistar Team |
| Izen laburra | ezezaguna, BAN, IBB, IBA, CEI, GCE eta MOV |
| Mota | txirrindularitza talde profesionala, UCI Trade Team I (en)  , ProTeama eta WorldTeama |
| Herrialdea | Espainia |
| Agintea | |
| Entrenatzailea | Eusebio Untzue, Jose Luis Arrieta, Alfonso Galilea, Txente García Acosta, José Luis Jaimerena, José Luis Laguía, Pablo Lastras (en) , Yvon Ledanois, Jürgen Roelandts eta Xabier Muriel (en) |
| Egoitza nagusi |
|
| Osatuta | 2004 Illes Balears - Banesto (en) 2006 Caisse d'Épargne-Illes Balears (en) 2007 Caisse d'Épargne (en) 2008 Caisse d'Épargne (en) 2009 Caisse d'Épargne (en) 2011 Movistar Team season (en) 2012 Movistar Team season (en) 2013 Movistar Team season (en) 2014 Movistar Team season (en) 2020 Movistar (en) 2021 Movistar (en) 2022 Movistar (en) 2023 Movistar (en) 2024 Movistar (en) Banesto 2000 (en) Caisse d'Épargne 2010 Illes Balears-Caisse d'Épargne 2005 (en) Movistar 2015 Movistar 2016 Movistar 2017 Movistar 2018 Movistar 2019 Reynolds 1980 iBanesto.com 2001 (en) iBanesto.com 2002 (en) iBanesto.com 2003 (en) |
| Historia | |
| Sorrera | 1980 |
webgune ofiziala    | |
- Artikulu hau gizonezkoen taldea buruzkoa da; beste esanahietarako, ikus «Movistar Team».
Movistar Team Nafarroako txirrindularitza talde profesionala da, UCI WorldTeam lizentzia duena. Movistar telekomunikazio espainiar enpresa du babesle nagusia. 1980an sortu zenetik, Reynolds, Banesto, Illes Ballears eta Caisse d'Epargne izenak ere izan ditu. Besteak beste, zazpi Frantziako Tour, lau Italiako Giro eta lau Espainiako Vuelta ditu palmaresean.
Historia
Taldea 1980an eratu zen, Reynolds izenarekin, José Miguel Echavarri zuzendari zela. 1982an, Ángel Arroyo lehenbizikoa izan zuen Espainiako Itzulian, baina deskalifikatu zuten, dopin kontrolean positibo eman zuelako.[1]
1983an parte hartu zuen lehenbiziko aldiz Frantziako Tourrean, arrakasta handiz: Ángel Arroyok, Puy de Dômeko kronoigoera irabazteaz gain, bigarren amaitu zuen Parisko podiumean; Pedro Delgadok, berriz, erakustaldiak eman zituen mendiko etapetan, eta maillot horia janzteko zorian egon zen.[2]
Miguel Indurainek Reynoldsekin egin zuen debut profesionala, 1984an. Hamarkadaren amaieran, Pedro Delgadok eman zizkion taldeari lehenbiziko garaipen handiak: 1988ko Frantziako Tourra eta 1989ko Espainiako Itzulia.[3]
1990etik 2003ra, Banesto izan zen taldearen babeslea. 1990eko hamarkadan izan zuen urrezko aroa, Miguel Indurainen eskutik, bost Tour (1990, 1991, 1992, 1993, 1994) eta bi Giro (1992, 1993) irabazi baitzituen. Julian Gorospe, berriz, 1990eko Euskal Herriko Itzulian nagusitu zen.
Arrakasta horiek taldea sendotu eta berrindartu zuten. Horri esker fitxatu ahal izan zituen, besteak beste, Jean-François Bernard, Abraham Olano, Alex Zülle, Chava Jimenez edota Paco Mancebo. Olanok 1998ko Espainiako Itzulia irabazi zuen, eta Züllek bigarren egin zuen 1999ko Frantziako Tourrean.[3]
1990eko urteetako urrezko aroaren ostean, urte ilunak iritsi ziren 2000tik aurrera. Krisiarekin batera, dopin kasuen eraginez txirrindularitzarenganako konfiantza galdu zuten babesleek, eta gizarteak berak ere. Oso garai zailak pasatu zituen taldeak, kolokan egon zelako haren etorkizuna. Hala ere, 2004an Illes Ballears agertu zen, eta Caisse d'Epargne bi urte geroago. 2010era arte lehen lerroan irauteko aukera eskaini zieten bi babesle horiek.[3] Alejandro Valverde eta Vladimir Karpets nabarmendu ziren urte haietan, eta Óscar Pereiro 2006ko Frantziako Tourreko irabazle izendatua izan zen, Floyd Landisek dopinaren aurkako kontrolean positiboa eman ondoren.[4]
2010ean, proiektua amaitzera zihoala zirudien, baina Telefónica agertu zen, eta jarraipena eman zion taldeari Movistar markarekin.[3] Nairo Quintanak 2014ko Italiako Giroa eta 2016ko Espainiako Itzulia irabazi eta bi aldiz bigarren izan zen Tourrean (2013 eta 2015); Richard Carapaz, berriz, 2019ko Italiako Giroan gailendu zen. Baina Alejandro Valverdek eman zion garaipen gehien taldeari, bai klasiketan (bost aldiz La Flèche Wallonnen, lautan Lieja-Bastogne-Lieja, bitan Donostia Klasikoa), bai astebeteko itzulietan (Euskal Herriko Itzulia, Kataluniako Volta, Dauphiné Libéré...).
2023ko taldea
 Pertsonala 2023 | |||
|---|---|---|---|
| Txirrindularia | Jaiotza-data | Herrialdea | Aurreko taldea |
| Alex Aranburu | 1995.eko irailak 19 |  Euskal Herria | |
| Jorge Arcas | 1992.eko uztailak 8 |  Espainia | Lizarte (2015) |
| William Barta | 1996.eko urtarrilak 4 |  Ameriketako Estatu Batuak | EF Education-Nippo (2021) |
| Imanol Erbiti | 1983.eko azaroak 15 | Euskal Herria | |
| Iván García Cortina | 1995.eko azaroak 20 | Espainia | Bahrain McLaren (2020) |
| Fernando Gaviria | 1994.eko abuztuak 19 |  Kolonbia | UAE Team Emirates (2022) |
| Abner González | 2000.eko urriak 9 |  Puerto Rico | Inteja-Imca-Ridea DCT (2019) |
| Ruben Guerreiro | 1994.eko uztailak 6 |  Portugal | EF Education-EasyPost (2022) |
| Juri Hollmann | 1999.eko abuztuak 30 |  Alemania | Heizomat rad-net.de (2019) |
| Gorka Izagirre | 1987.eko urriak 7 | Euskal Herria | Astana-Premier Tech (2021) |
| Johan Jacobs | 1997.eko martxoak 1 |  Suitza | Lotto-Soudal U23 (2019) |
| Matteo Jorgenson | 1999.eko uztailak 1 | Ameriketako Estatu Batuak | Chambéry CF (2019) |
| Max Kanter | 1997.eko urriak 22 | Alemania | Team DSM (2021) |
| Oier Lazkano | 1999.eko azaroak 7 | Euskal Herria | Caja Rural-Seguros RGA (2021) |
| Enric Mas | 1995.eko urtarrilak 7 | Espainia | Deceuninck-Quick Step (2019) |
| Lluís Mas | 1989.eko urriak 15 | Espainia | Caja Rural-Seguros RGA (2018) |
| Gregor Mühlberger | 1994.eko apirilak 4 |  Austria | Bora-Hansgrohe (2020) |
| Mathias Norsgaard | 1997.eko maiatzak 5 |  Danimarka | Riwal Readynez (2019) |
| Nélson Oliveira | 1989.eko martxoak 6 | Portugal | Lampre-Merida (2015) |
| Antonio Pedrero | 1991.eko urriak 23 | Espainia | Inteja-MMR Dominican cycling team (2015) |
| Vinicius Rangel | 2001.eko maiatzak 26 |  Brasil | Telco.m-On Clima-Osés (2021) |
| Óscar Rodríguez Garaikoetxea | 1995.eko maiatzak 6 | Euskal Herria | Astana-Premier Tech (2021) |
| José Joaquín Rojas | 1985.eko ekainak 8 | Espainia | Astana (2006) |
| Einer Rubio | 1998.eko otsailak 22 | Kolonbia | Aran Vejus (2019) |
| Sergio Samitier | 1995.eko abuztuak 31 | Espainia | Euskadi Basque Country-Murias (2019) |
| Gonzalo Serrano | 1994.eko abuztuak 17 | Espainia | Caja Rural-Seguros RGA (2020) |
| Iván Sosa | 1997.eko urriak 31 | Kolonbia | Ineos Grenadiers (2021) |
| Albert Torres | 1990.eko apirilak 26 | Espainia | Inteja-Dominican cycling team (2018) |
| Carlos Verona | 1992.eko azaroak 4 | Espainia | Mitchelton-Scott (2018) |
| Iván Romeo | 2003.eko abuztuak 16 | Espainia | Hagens Berman Axeon (2022) |
| Iturria : UCI | |||
oharra: Alex Aranburu
Erreferentziak
- ↑ Confirmado el "doping" de Arroyo, Lejarreta probable ganador de la Vuelta. El Pais, 1982ko maiatzak 14, elpais.com (Noiz kontsultatua: 2023-7-7).
- ↑ Indurain Donostiatik Iruñara hegan. letour.euskadi.eus (Noiz kontsultatua: 2023-7-7).
- ↑ a b c d Zubeldia, Unai. Eusebio Unzue: «Berritu beharra daukagu». Berria, 2014ko urriak 21, CC BY-SA 4.0, berria.eus (Noiz kontsultatua: 2023-7-7).
- ↑ Matesanz, Jorge. El Tour de Pereiro (2006). high-cycling.com (Noiz kontsultatua: 2023-7-7).
Kanpo estekak
- Webgune ofiziala
- Facebook orrialde ofiziala
| Autoritate kontrola |
|
|---|
Datuak: Q6175
Multimedia: Team Movistar / Q6175
