Palanka-efektu (finantzak)

Finantzetan, palanka-efektua enpresaren kapitala baliatu ordez inbertsioak egiteko zorpetzeak (besteren baliabideak/baliabide propioak) dakarren mozkin-tasaren gehikuntzari deritzo. Apalankamendu hitza ere erabiltzen da efektu hori izendatzeko. Palanka-efektua baliatzean, inbertsioaren kostua zorpetuz estaltzen denez, kapitala handitu ordez, errentagarritasun erlatiboa (mozkinak zati kapitala) handiagoa da inbertsiorako baliabideak kapitala gehituz lortzen direnean baino.