Simone Biles

Simone Biles
Gimnasta
(2016)
Informazio pertsonala
Izen osoa	Simone Arianne Biles
Ordezkatutako herrialdea	Ameriketako Estatu Batuak
Jaiotza	(1997-03-14) 1997ko martxoak 14 (27 urte)[1] Columbus (Ohio),  AEB
Bizilekua	Spring (Texas), AEB
Garaiera	142 zentimetro
Diziplina	Emakumezkoen gimnasia artistikoa
Maila	Nazioarteko elite senior
Urteak talde nazionalean	2012-gaur egun (AEB)
Gimnasioa	World Champions Centre[2] Bannon's Gymnastix Inc. (2003–2014)
Entrenatzailea	Laurent Landi, Cecile Landi
Aurreko entrenatzailea	Aimee Boorman
Mugimendu eponimoak	Biles I (6.0) (jauzi-zaldia) Biles II (6.4) (jauzi-zaldia) Biles (H) (oreka-barra) Biles I (G) (zoruko ariketa) Biles II (J) (zoruko ariketa)
Munduko sailkapena	1
Dominen zerrenda Competition  AEB ordezkatzen Txapelketa 1. 2. 3. Olinpiar Jokoak 4 1 2 Munduko txapelketak 23 4 3 Ozeano Bareko txapelketa 2 0 0 Amerikar kopa 1 1 0 Guztira '30 6 5 Olinpiar Jokoak 2016 Rio de Janeiro Taldea 2016 Rio de Janeiro Orokorra 2016 Rio de Janeiro Jauzi-zaldia 2016 Rio de Janeiro Zoruko ariketa 2020 Tokyo Taldea 2016 Rio de Janeiro Oreka-barra 2020 Tokyo Oreka-barra Munduko Txapelketa 2013 Anberes Orokorra 2013 Anberes Zoruko ariketa 2014 Nanning Taldea 2014 Nanning Orokorra 2014 Nanning Oreka-barra 2014 Nanning Zoruko ariketa 2015 Glasgow Taldea 2015 Glasgow Orokorra 2015 Glasgow Oreka-barra 2015 Glasgow Zoruko ariketa 2018 Doha Taldea 2018 Doha Orokorra 2018 Doha Jauzi-zaldia 2018 Doha Zoruko ariketa 2019 Stuttgart Taldea 2019 Stuttgart Orokorra 2019 Stuttgart Jauzi-zaldia 2019 Stuttgart Oreka-barra 2019 Stuttgart Zoruko ariketa 2023 Anberes Taldea 2023 Anberes Orokorra 2023 Anberes Oreka-barra 2023 Anberes Zoruko ariketa 2013 Anberes Jauzi-zaldia 2014 Nanning Jauzi-zaldia 2018 Doha Paralelo asimetrikoak 2023 Anberes Jauzi-zaldia 2013 Anberes Oreka-barra 2015 Glasgow Jauzi-zaldia 2018 Doha Oreka-barra Ozeano Bareko Txapelketa 2016 Everett Taldea 2016 Everett Orokorra Amerikako Kopa 2015 Arlington Orokorra 2013 Worcester Orokorra

Simone Arianne Biles (Columbus, Ohio, 1997ko martxoaren 14a) Amerikako Estatu Batuetako gimnasta da, historiako hoberena. Gimnasiako Munduko Txapelketetan domina gehien lortu dituen kirolaria da: 30.^[3] Horietatik 23 dira urrezkoak. Olinpiar jokoetan 7 domina lortu ditu: 5 Rio de Janeiro 2016n (4 urre eta brontze bat), eta 2 Tokyo 2020n (zilar bat eta brontze bat).

Bizitza

Simone Biles Columbusen jaio zen, 1997an. Gurasoek arazoak izan zituzten drogarekin eta alkoholarekin eta, horren ondorioz, harrera etxeetan bizi izan ziren zenbait urtez Biles eta haren anai-arrebak, amaren aldeko aitona-amonek haien ardura hartu zuten arte. Garai hartan diagnostikatu zioten arreta defizitaren eta hiperaktibitatearen nahasmendua.^[4] Sei urterekin, Houstongo Bannon's gimnasiora joan zen bisitan, ikaskideekin. Ahozabalik geratu zen hango gimnastak egiten ari ziren ariketekin. Haiek imitatzen hasi zen, eta entrenatzaile bat neskatila haren mailaz ohartu zen. Berehala, aitona-amonei eskutitz bat igorri zien, gimnasioan izena emateko eskatuz. Hala egin zuten. Handik bi urtera, Aimee Boormanekin hasi zen entrenatzen: ordutik aurrera banaezinak izan ziren.^[5]

2012. urteko Londresko Olinpiar Jokoetan telebistaz ikusi zuen Gabby Douglas, McKayla Maroney, Aly Raisman, Kyla Ross eta Jordyn Wieber herrikideen jarduna, eta erronka bota zion bere buruari: «Egunen batean, Olinpiar Joko batzuetan parte hartuko dut, haiek bezala». Esan eta egin.^[5] 2013an debutatu zuen senior mailan, eta urrezko bi domina eskuratu zituen Munduko Txapelketan: banakako lehiaketan eta zoruko ariketan. 2014ko eta 2015eko Munduko Txapelketetan, berriz, banaka, taldeka, oreka-barran eta zoruko ariketan nagusitu zen. 2016an, balentria egin zuen Rio de Janeiroko Olinpiar Jokoetan. Bost domina irabazi zituen: urrezkoa banakakoan, taldekakoan, zoruan eta jauzian, eta brontzezkoa oreka-barran. 60 urte ziren ez zuela emakumezko gimnasta batek halako uzta biltzen Olinpiar Joko bakar batean.^[4]

2018ko urtarrilean, Larry Nassarrek, selekzioko medikuak, sexu abusuak egin zizkiola salatu zuen. Ordurako, ehunka emakumek zuten salatua Nassar, Aly Raisman eta Gabby Douglas gimnastek barne.^[4] 2018ko Munduko Txapelketan sei domina lortu zituen: urrezko lau, zilarrezko bat eta brontzezko beste bat;^[6] eta 2019koan, urrezko bost domina.

2020ko Udako Olinpiar Jokoetan (Tokio), bi domina lortu zituen: brontzezkoa Oreka-barran, Guan Chenchen eta Tang Xijing txinatarren atzetik, eta, zilarrezkoa, Taldeka emakumezkoen kategorian. ROCeko taldearen (urrezko domina) atzetik eta Erresuma Batuko taldearen (brontzezko domina) aurretik sailkatu zen AEBko taldea, eta honako hauek osatzen zuten: Simone Biles, Jordan Chiles, Sunisa Lee eta Grace McCallumek. Domina guztiak AEB ordezkatuz lortu zituen.^[7][8]

2021eko apirilaren 23an, Nikerekin zuen lotura hautsi zuen. 2015. urtearen amaieratik, eta AEBetako Athleta kirol-markarekin bat egin zuen, Gap-i lotuta.^[9] Hilabete bat geroago, 2019tik aurrera egin zuen lehen lehiaketan, zaldiaren jauzian Yurchenko karpetatu bikoitza egin zuen historiako lehen emakumea izan zen.^[10]

Tokio 2020ko Joko Olinpikoetan, gimnastika artistikoko taldean parte hartzeari uko egin ziotela iragarri zuen Billesek, buru-osasuneko arazoak alegatuz; Estatu Batuek azkenean irabazi zuten zilarrezko domina.^[11] 42 Lehiaketa osoko azkenetan eta lehen hiru aparatuetakoetan ere ez zuen parte hartu; bai, ostera, oreka barrako txapelketan, non brontzea irabazi zuen.^[12]

Tokio 2020ko Jokoen ondoren atsedenaldia hartu eta 2023ko abuztuan, 700 egun baino gehiagora lehiatu zen berriro iparramerikarra.^[13] Billesek bi urte eman zituen lehiatik kanpo, twistyak zirela eta. Arazo psikologiko horrek eragotzi zion aireko maniobretan bere gorputza kontrolatzea. 2023ko abuztuan itzuli zen lehiaketara, Chicagoko US Classic-ean garaipena lortuta, Parisko 2024ko Joko Olinpikoetarako prestatzen hasteko.^[14]

Olinpiar Jokoetako emaitzak

Udako Olinpiar Jokoak
Urtea	Lekua	Domina	Proba
2016	Rio de Janeiro Brasil	01 !	Banaka, emakumezkoa.
2016	Rio de Janeiro Brasil	01 !	Taldeka, emakumezkoa.
2016	Rio de Janeiro Brasil	01 !	Zorua, emakumezkoa.
2016	Rio de Janeiro Brasil	01 !	Zaldi-jauzia, emakumezkoa.
2016	Rio de Janeiro Brasil	03 !	Oreka-barra, emakumezkoa.
2020	Tokio Japonia	03 !	Oreka-barra, emakumezkoa.
2020	Tokio Japonia	02 !	Taldeka, emakumezkoa.

Erreferentziak

Kanpo estekak

• Uribe, Kirmen Nor da Simone Biles?, Berria.eus.
• Webgune ofiziala, simonebiles.com.

• Datuak: Q7520267
• Multimedia: Simone Biles / Q7520267