Urkuluko uharka

Urkulu
Mota	urtegi
Geografia
Koordenatuak	43°01′22″N 2°28′43″W / 43.0228154°N 2.4784746°W / 43.0228154; -2.4784746
Herrialdea	Euskal Herria
Probintzia	Gipuzkoa
Eskualdea	Debagoiena
Udalerria	Aretxabaleta

Urkulu Gipuzkoako hego-mendebaldean dagoen urtegi bat da, Debagoieneko eskualdean eta Aretxabaletako udalerrian kokatua. Zehazki, Aretxabaletako Larrino, Aozaratza eta Goroeta auzoek eta Kortaburu, Markiategi eta Urrexola auzuneek inguratzen dute. Itsas mailatik 331-341 metro gorago dago.

1975ean eraikuntza lanak hasi ondoren, 1979an bete egin zuten, Urkulu ubidetik ur gehien jasoz, baina baita Bolibar erreka eta Arantzazuko arrotik ere.

Edukia 16.30 Hm³ da.

Mendiak

Inguruko mendien artean iparradetik hegoaldera Orkatzategi (874 m), Ametzueta (807 m), Iruaitz (755 m) eta Kurtzebarri (1.133 m) ditugu.

Zuhaitzak

Ingurune honetan, zuhaitzik ohikoenak haltzak, sahatsak, haritzak, lizarrak eta zumarrak dira.

Iruditegia

• 
  Urkuluren ikuspegia Iruaitzetik, hondoan Anboto ezkerrean eta Udalatx eskuinaldean.
• 
  Uharkaren atzean Aozaratza auzoa, Murugain mendia hurrengo planoan eta hondoan Anboto eta Izpizte ipar-mendebalderantz.
• 
  Aozaratza auzoa eta atzean Murugain.
• 
  Urkuluko bazterren ikuspegia.
• 
  Urtegia Larrino auzotik, hegoalderantz.
• 
  Urkulu Ugastegitik.
• 
  Urkulu aintziraren ertzetik.
• 
  Aretxabaletatik Urkulura doan bidea, Bustintegi errekaren ertzetik.

Ibilbideak

Urtegiaren perimetro osoak 7 kilometro ditu, "Urkuluko itzulia" izena duena. Urtegitik ateratzen dira beste bide batzuk ere, Kurtzeberri mendira inguratzera eta auzo hauetara doazenak: Oro, Larrino, Areantza, Bolinaga, Mendiola (Eskoriatza), Bedoña (Arrasate) eta Arantzazu (Oñati).^[1]

• 
  Mapa
• 
  Otalora Dorretxea
• 
  Goroetako baserriak
• 
  Goroeta pasata
• 
  Behatokitik
• 
  Presa eta Kurtzebarri
• 
  Atxapar loreak
• 
  Barraskiloak
• 
  Tximeleta eta mazusta loreak
• 
  Loreak
• 
  kardu loreak eta intsektua

Bibliografia

• "Urkulu, leiho irekia" (Aretxabaletako Udala, 2007).

Ikus, gainera

• Euskal Herriko urtegien zerrenda

Kanpo estekak

• (Gaztelaniaz) Pantano de Urkulu Auñamendi Eusko Entziklopedian, Interneten dohainik kontsultagai.

• Datuak: Q12268686
• Multimedia: Urkulu reservoir / Q12268686
• Liburuak: Euskal Herriko bidaia-gida/Ibilbideak/Urkuluko itzulia