Vas (Hungaria)

Vas
Hungaria
Administrazioa
Estatua	Hungaria
Izen ofiziala	Vas vármegye
ISO 3166-2	HU-VA
Hiriburua	Szombathely
Zatiketa	ikusi Celldömölk District (en) , Körmendeko barrutia, Kőszegeko barrutia, Sárvárko barrutia, Szentgotthárdeko barrutia, Szombathelyko barrutia eta Vasvárko barrutia
Geografia
Koordenatuak	47°10′N 16°45′E / 47.17°N 16.75°E / 47.17; 16.75
Azalera	3,336,14 km²
Mugakideak	Győr-Moson-Sopron, Veszprém, Zala konderria, Burgenland eta Mura eskualde estatistikoa
Demografia
Biztanleria	249.513 (2022ko urriaren 1a) −8.175 (2011)
Dentsitatea	77,2 bizt/km²
Informazio gehigarria
Eskualdea	Mendebaldeko Transdanubia
Ordu eremua	UTC+01:00
http://www.vasmegye.hu/

Vas (alemanez: Eisenburg, eslovenieraz: Železna županija edo županija Železna, kroazieraz: Željezna županija) Hungariako 19 konderrietako (megye) bat da. Herrialdearen mendebaldean dago, Mendebaldeko Transdanubia eskualdean, Austria eta Esloveniako mugen ondoan. Horiez gain, Hungariako Győr-Moson-Sopron, Veszprém eta Zala konderriak ere mugakide ditu. 3.336 km²ko azalera du, eta 2011n 257.688 biztanle zituen^[1]. Hiriburua Szombathely da.

Geografia

Vasen Hungariako Ordoki Txikiak (hungarieraz: Kisalföld) eta Transdanubiako mendebaldeko muinoek bat egiten dute. Őrség eta Vendvidékeko muinoak, Kőszeg mendigunea eta Pinkako zabaldia ere aipagarriak dira. Austriako Alpeetan sortutako Rába ibaiak zeharkatzen du konderria; bertan Pinka, Gyöngyös, Repce eta Marcalen ura jasotzen du. Alpeak hurbil direnez gero, aski klima hezea da^[2].

Banaketa administratiboa

2013ko urtarrilaren 1eko erreformaren ondoan, konderria 7 barrutitan (járás) banaturik dago:

Barrutia	Hiriburua	Eremua (km²)	Biztanleria (2013)	Udalerriak (település)
Celldömölk	Celldömölk	474,13	24.071	28
Körmend	Körmend	614,53	26.664	46
Kőszeg	Kőszeg	286,45	25.978	21
Sárvár	Sárvár	685,45	38.450	42
Szentgotthárd	Szentgotthárd	255,04	15.068	16
Szombathely	Szombathely	646,36	113.063	40
Vasvár	Vasvár	374,14	13.164	23

Hiri eta herriak

Konderri eskumenak dituzten hiriak

• Szombathely (hiriburua; 77.866 biztanle 2015ean^[3])

Hiriak eta herri handiak

(2015eko biztanleria^[3])

• Sárvár (14.716)
• Kőszeg (11.702)
• Körmend (11.472)
• Celldömölk (10.927)
• Szentgotthárd (8.867)
• Vasvár (4.266)
• Bük (3.544)
• Vép (3.322)
• Csepreg (3.241)
• Répcelak (2.625)
• Őriszentpéter (1.160)

Ekonomia

Bazka landareen laborantzak garrantzi handia du; behi, zerri eta hegaztiak (batez ere indioilarrak) hazten dira. Industriari dagokionez, makinen eraikuntzaren alorra ongi garaturik dago. Turismoa ere garrantzitsua da^[2].

Iruditegia

• 
  Kőszeg mendigunea.
• 
  Kőszeg.
• 
  Sárvárko gaztelua.
• 
  Celldömölk.

Erreferentziak

Kanpo estekak

• Datuak: Q187677
• Multimedia: Vas County / Q187677