Yann LeCun

Yann LeCun
Irudi gehiago
Bizitza
Jaiotzako izen-deiturak	Yann Le Cun
Jaiotza	Soisy-sous-Montmorency, 1960ko uztailaren 8a (63 urte)
Herrialdea	Frantzia
Hezkuntza
Heziketa	ESIEE Paris diplôme d'ingénieur (en) Torontoko Unibertsitatea postdoctoral researcher (en) Sorbona Unibertsitatea Pierre eta Marie Curie Unibertsitatea (1983 - 1987) diplôme d'études approfondies (en) , doktoretza
Tesi zuzendaria	Maurice Milgram (en)
Doktorego ikaslea(k)	Raia Hadsell (en) Koray Kavukcuoglu (en) Marc'Aurelio Ranzato (en) Levent Sagun (en) Y-Lan Boureau (en) Piotr Wojciech Mirowski (en) Koray Kavukcuoglu (en) Wojciech Zaremba (en)
Hizkuntzak	frantsesa
Jarduerak
Jarduerak	software ingeniaria, ingeniari elektrikoa, informatikaria, artificial intelligence researcher (en) eta katedraduna
Enplegatzailea(k)	New York University Tandon School of Engineering (en) Collège de France Bell Labs New Yorkeko Unibertsitatea  (2003 - Meta Platforms  (2013ko abenduaren 9a -
Jasotako sariak	ikusi PAMI Distinguished Researcher Award  (2015) Harold Pender Award  (2018) Turing Award  (2018) honorary doctor of the École polytechnique fédérale de Lausanne  (2018) AAAI Fellow  (2020) Fellow of the American Association for the Advancement of Science  (2021) IEEE Neural Networks Pioneer Award Princess of Asturias Award for Technical and Scientific Research  (2022) Ohorezko Legioko zalduna  (2020)
Kidetza	Facebook AI Research (en)
Sinesmenak eta ideologia
Erlijioa	ateismoa
yann.lecun.com

Yann André LeCun (ləkœ̃ ahoskatua; Paris, 1960ko uztailaren 8a) franko-estatubatuar zientzialaria da. Konputazioaren zientzialari nabarmena da, eta ikasketa sakonaren arloan aitzindarietako bat. LeCun École Supérieure d 'Ingénieurs en Électronique et Électrotechnique (ESIEE) unibertsitatean graduatu zen Parisen, eta Informatikan doktoretza Pierre eta Marie Curie Unibertsitatean (UPMC) lortu zuen 1987an.

LeCunek garrantzi handia izan du adimen artifizialaren aurrerapenean, eta arlo horretan algoritmoak eta funtsezko teknikak garatzen asko lagundu du. Bere ekarpenei esker, Yann LeCunek enpresa teknologiko handietan funtsezko lanpostuak lortzea lortu du, Facebook-en duen lanpostua eta New Yorkeko Unibertsitatean ikerkuntzan duen arduraldia nabarmenduz. Adimen artifizialean izandako esperientziak ospe handia eman dio, besteak beste, 2018ko Turing saria, IEEE Emanuel Piore Award saria eta 2015eko IEEE/RSE Wolfson James Clerk Maxwell saria. Ohore horiek bere lanak adimen artifizialaren industrian eta esparru akademikoan duen garrantzia eta eragina islatzen dute.

Gazte-denbora

LeCun Soisy-sous-Montmorencyn jaio zen, Parisko aldirietan. Bere izena, jatorriz, Le Cun idazten zen, antzinako bretoi Le Cunff formakoa, eta jatorriz Bretainia iparraldeko Guingamp eskualdekoa zen. "Yann" Johnen forma bretoia da.

Ikasketak

1983an, Parisko ESIEEko Diplôme d 'Ingénieur lortu zuen, eta Informatikako doktoretza Pierre et Marie Curie Unibertsitatean (gaur egun Sorbona Unibertsitatea), 1987an. Bertan, sare neuronaletarako backpropagation algoritmoaren forma goiztiar bat proposatu zuen.

Ekarpenak

Bere ekarpenik nabarmenena sare neuronal konboluzionalen (CNN) garapenean izan da, datu bisualen prozesamenduan (argazkiak eta irudiak gehienetan) oso eraginkorrak direnak. Sare horiek irudiak errekonozitzeko, objektuak detektatzeko eta segmentazio semantikoa egiteko aplikazioetan funtsezkoak izan dira.

LeCun backpropagation, sare neuronalen entrenamenduko funtsezko algoritmoa, lantzen eta garatzen aritu zen. Metodo hori funtsezkoa izan da sare neuronalek ikasketa automatikoko hainbat kasutan arrakasta izateko.

2013an Facebook-en Adimen Artifizialeko zuzendaritzat hartu aurretik, Yann LeCunek AT&T Bell Labs-en lan egin zuen. Bertan, eskuz idatzitako karaktereak ezagutzeko ikerketak egin zituen eta CNNak garatzen lagundu zuen.

CNNn egindako lanaz gain, LeCunek sare neuronal errepikarien (RNN) gaian lan egin du. Sare neuronal horiek funtsezkoak dira datu-sekuentziak prozesatzeko, hala nola hizkuntza naturalaren esparruan. Erakarpen honek, industriako sentsoreak itzultzen dituzten datu-sekuentziak kontuan izatea ahalegindu du.

Goraipamenak eta sariak

LeCun Ameriketako Estatu Batuetako Zientzien Akademia Nazionaleko, Ingeniaritzako Akademia Nazionaleko eta Frantziako Académie des Sciences akademiako kidea da.

• Honoris causa doktoretzak jaso ditu Mexiko Hiriko IPNtik 2016an, EPFLtik 2018an, Université Côte d'Azur unibertsitatetik 2021ean, Università di Sienatik 2023an, eta Hong Kong University of Science and Technologytik 2023an.

• 2014an, IEEE Neural Network Pioneer Award jaso zuen, eta 2015ean, PAMI Distinguished Researcher Award.
• 2018an, LeCunek IRI domina jaso zuen, Industria Ikerketako Institutuak (IRI) ezarritakoa.
• 2018an, Pennsylvaniako Unibertsitateak emandako Harold Pender saria jaso zuen.
• 2019an, Ameriketako Lorpen Akademiaren Golden Plate saria jaso zuen.
• 2022an, Asturiasko Printzesa saria jaso zuen "Ikerketa Zientifikoa" kategorian, Yoshua Bengio, Geoffrey Hinton eta Demis Hassabisekin batera.

Turing saria

2019ko martxoan, LeCunek Turing saria irabazi zuen, bere bizitzako aintzatespenik handiena. Saria Yoshua Bengio eta Geoffrey Hintonekin batera eman zioten.

Kanpo estekak

• Datuak: Q3571662
• Multimedia: Yann LeCun / Q3571662